زلمے خلیل زاد کی وزیر اعظم سے ملاقات طے کرانے کے لیے امریکی حکام سرگرم

اسلام آباد: افغانستان میں دیرپا امن اور مفاہمتی عمل کی کام یابی کے لیے کاوشیں تیز کر دی گئی ہیں، امریکی نمائندہ خصوصی زلمے خلیل زاد اسلام آباد پہنچ گئے۔

تفصیلات کے مطابق افغان مفاہمتی عمل کی کام یابی کے سلسلے میں امریکی نمائندہ خصوصی زلمے خلیل زاد اسلام آباد پہنچ گئے ہیں، امریکی حکام ان کی ملاقات وزیر اعظم عمران خان سے کرانے کے لیے سرگرم ہو گئے ہیں۔

ذرایع کا کہنا ہے کہ زلمے خلیل زاد کی تا حال وزیر اعظم عمران خان اور وزیر خارجہ شاہ محمود قریشی سے ملاقات طے نہیں ہے، تاہم وزیر اعظم عمران خان سے ملاقات طے کرانے کے لیے امریکی حکام سرگرم ہو گئے ہیں۔

زلمے خلیل زاد وزارت خارجہ پہنچ گئے ہیں، وزارت خارجہ میں پاک امریکا دو طرفہ مشاورتی اجلاس بھی شروع ہو گیا ہے، پاکستانی وفد کی قیادت ایڈیشنل سیکریٹری آفتاب کھوکھر کر رہے ہیں، جب کہ امریکی وفد کی سربراہی نمائندہ خصوصی امریکا کر رہے ہیں۔

ایڈیشنل سیکریٹری نے کہا کہ پاکستان خطے میں امن کے لیے اپنا کردار ادا کرتا رہے گا، پاکستان فریقین کو خطے میں محاذ آرائی کے خاتمے کے لیے سیاسی حل کا مشورہ دیتا ہے۔ زلمے خلیل زاد نے کہا کہ خطے میں دیرپا قیام امن کے لیے پاکستان کا کردار انتہائی اہم ہے۔

ادھر امریکی وفد میں امریکی محکمہ دفاع و اسٹیٹ ڈپارٹمنٹ کے نمائندے بھی شامل ہیں، جب کہ پاکستانی وفد میں وزارتِ دفاع اور وزارتِ خارجہ کے اعلیٰ حکام شامل ہیں۔

Check Also

پاکستان تاریخ کے نازک موڑ سے گزر رہا ہے، سیاست دانوں کو برا کہنا لمحہ فکریہ ہے: حمزہ شہباز

لاہور: اپوزیشن لیڈر پنجاب اسمبلی حمزہ شہباز شریف نے کہا ہے کہ پاکستان تاریخ کے …

Leave a Reply

Your email address will not be published. Required fields are marked *