گھریلو ملازمہ کی بیٹی سے جنسی زیادتی۔۔! ماں نے بدلے کی انوکھی داستان رقم کردی

کراچی کے علاقے ڈیفنس میں بلوچ رہنما نواب اکبر بگٹی کی پوتی نے گھریلو ملازمہ کی بیٹی سے زیادتی کے الزام میں اپنے ہی ڈرائیور کو فائرنگ کر کے زخمی کردیا۔

گزری تھانے کے ایس ایچ او خان محمد بھٹی نے ڈان کو بتایا کہ ڈیفنس میں گھر کے اندر 20 سالہ ڈرائیور محمد عرفان فائرنگ کے نتیجے میں زخمی ہوا۔

پولیس افسر نے بتایا کہ ابتدائی تحقیقات کے مطابق زخمی شخص نے دو روز قبل گھریلو ملزمہ کی بیٹی کو مبینہ طور پر ریپ کا نشانہ بنایا تھا۔

انہوں نے بتایا کہ گھریلو ملازمہ نے نواب اکبر بگٹی کی پوتی اور گھر کی سربراہ کو ساری صورتحال سے آگاہ کیا۔

خان محمد بھٹی کا کہنا تھا کہ ’صورتحال سے آگاہی کے بعد خاتون نے ڈرائیور کو بلایا، تاہم نوجوان نے ریپ کے الزام کو جھوٹ قرار دیا‘۔

ایس ایچ او نے بتایا کہ ’نواب اکبر بگٹی کی پوتی ڈرائیور کی وضاحت پر مطمئن نہ ہوئیں اور اسے پستول سے ڈرانے کے دوران گولی چل گئی جس سے محمد عرفان زخمی ہوا‘۔

زخمی ڈرائیور کو جناح ہسپتال منتقل کیا گیا جہاں کی ایگزیکٹو ڈائریکٹر نے بتایا کہ ’زخمی نوجوان کی حالت خطرے سے باہر ہے‘۔

انہوں نے بتایا کہ ’20 سالہ محمد عرفان کی دائیں ران پر گولی لگی‘۔

ایس ایچ او خان محمد بھٹی کا کہنا تھا کہ ’گھریلو ملازمہ کو زخمی ڈرائیور کے خلاف ریپ کی ایف آئی آر کٹوانے کے لیے طلب کیا ہے‘۔

ان کا کہنا تھا کہ ’معاملے پر پولیس زخمی شخص کا بیان بھی قلمبند کرے گی‘۔

Check Also

اسرائیل سے تعلقات کا سوال ہی پیدا نہیں ہوتا: فواد چوہدری

لاہور: وفاقی وزیر سائنس اینڈ ٹیکنالوجی فواد چوہدری نے پاکستان کے اسرائیل سے تعلقات قائم …

Leave a Reply

Your email address will not be published. Required fields are marked *