بدھ , اکتوبر 24 2018

سونالی باندرےکو کینسر، ان کا کہنا ہے جیسے جسم میں درد کی سائیکل دوڑ رہی ہو‘

(پی پی این ڈیسک) بالی وڈ اداکارہ سونالی باندرے نے رواں برس 4 جولائی کو اپنی سوشل میڈیا پوسٹ کے ذریعےانکشاف کیا تھا کہ انہیں کینسر تھا

انہوں نے بتایا تھا کہ انہیں اس بیماری کی توقع نہیں تھی، تاہم اب وہ اس کے علاج کے لیے بیرون ملک جائیں گی۔بعد ازاں سونالی باندرے علاج کے لیے امریکا منتقل ہوگئی تھیں، جہاں انہوں نے علاج کے سلسلے میں اپنے سر کے بال ہٹوائے تھے۔ بالوں کو ہٹانے کے دوران وہ انتہائی جزباتی نظر آئیں

دوران علاج بھی سونالی باندرے اپنے مداحوں کو اپنی صحت اور بیماری سے متعلق آگاہ کرتی رہیں۔

رواں برس اگست میں انہوں نے ایک جذباتی پوسٹ میں بتایا تھا کہ اگرچہ وہ بیمار ہیں، تاہم وہ اس حالت میں بھی زندگی کے ہر لمحے کو جینا چاہتی ہیں۔

دوران علاج گزشتہ دن ہی سونالی باندرے امریکا میں ہی علاج کے لیے آنے والے اداکار رشی کپور سے ملنے گئی تھیں، جس میں انہیں خوش دیکھا جاسکتا ہے۔

رشی کپور بھی گزشتہ ماہ ستمبر کو علاج کے لیے امریکا گئے تھے، تاہم تاحال ان کی بیماری کی تشخیص نہیں ہوئی، قیاس آرائیاں کی جا رہی ہیں کہ انہیں بھی کینسر لاحق ہوگیا ہے، تاہم ان کے خاندان نے ایسی خبروں کو مسترد کیا ہے۔

رشی کپور سے ملاقات اور علاج کے بعد سونالی باندرے نے اپنے انسٹاگرام پر ایک جذباتی پوسٹ کی اور بتایا کہ سرجری اور کیموتھراپی سے قبل اور دوران علاج ان کی ذہنی و جسمانی حالت کیسی رہی۔

اپنی لمبی چوڑی پوسٹ میں سونالی باندرے نے بتایا کہ گزشتہ چند ماہ سے وہ کافی درد میں ہیں اور مسلسل جسمانی درد کے باعث وہ بعض مرتبہ ذہنی اذیت میں بھی مبتلا ہوجاتی ہیں، جس کے باعث وہ بہت کمزور ہو چکی ہیں۔

اداکارہ نے اپنے درد اور تکلیف سے متعلق کھل کر بات کرتے ہوئے کہا کہ ‘وہ گزشتہ کئی ماہ سے ایسا محسوس کر رہی ہیں، جیسے درد کی سائیکل ان کے پورے جسم میں دوڑ رہی ہو اور وہ رکنے کا نام نہیں لے رہی‘۔

سونالی باندرے نے اگرچہ اپنی پوسٹ میں درد اور تکلیف کی باتیں کی ہیں، تاہم ان کی باتوں سے اندازہ ہوتا ہے کہ وہ مایوس نہیں اور انہوں نے اس بیماری کو قبول کرکے اس کا کھلے دل اور ذہن سے مقابلہ کرنے کی ٹھان رکھی ہے۔

اپنی پوسٹ میں انہوں نے بتایا کہ ان کی کیموتھراپی ہو چکی ہے اور ان کا مزید علاج بھی جاری ہے، جو آئندہ بھی جاری رہے گا۔

انہوں نے اپنی پوسٹ کے ساتھ ایک تصویر بھی شیئر کی، جس میں انہیں آنکھوں میں کاجل لگاتے ہوئے دیکھا جاسکتا ہے۔

تصویر میں سونالی باندرے کو سیاہ لباس پہنے ہوئے آئینے کے سامنے خود کو میک اپ کرتے ہوئے دکھایا گیا ہے، اگرچہ ان کے سر پر بال نہیں، تاہم پھر بھی وہ خوبصورت دکھائی دے رہی ہیں۔

Check Also

کپل شرما گینی کے ساتھ 12 دسمبر کو شادی کے بندھن میں بندھیں گے۔

بالی ووڈ میں شادیوں کا سیزن آپہنچا ہے دپیکا، رنویر اور پریانکا کے بعد کپل …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے